Ymeri: Kurti është argat i mafisë energjetike, nuk ia votoj zgjatjen e pushtetit

Deputetja e Lidhjes Demokratike të Kosovës, Janina Ymeri, ka thënë se Albin Kurti është “argat i mafisë energjetike”. Ajo ka bërë të ditur se nuk do ta votojë Bekim Sejdiun për President, duke thënë se një votë e tillë do t’ia zgjaste pushtetin kryeministrit në detyrë.

Në një deklaratë, Ymeri ka thënë se edhe pse e di se do të ketë pasoja për pozitën e saj brenda partisë, ajo vendos të mos e votojë zgjatjen e pushtetit të tij. Ajo e ka cilësuar pushtetin si të kompromentuar dhe antikombëtar.

Ymeri ka thënë se kandidati për President nuk kishte profil as pavarësi për të sjellë balancë pushteti dhe forcë ndaj kapjes nga Vetëvendosja. Ajo ka shprehur shpresë se njerëzit vendosin për një të ardhme më të mirë dhe ka thënë se do të qëndrojë për Lidhjen Demokratike të Kosovës.