Prattipati pret gjeneralin Osborn dhe vlerëson bashkëpunimin
E ngarkuara me punë e ShBA-së priti Adjutantin Gjeneral të Gardës Kombëtare të Ajovës gjatë vizitës në Kosovë.
Redaksia ZHURMA · · 1 min lexim
Gjatë një vizite zyrtare, Adjutanti Gjeneral i Gardës Kombëtare të Ajovës, Gjeneralmajor Stephen Osborn, është takuar me të ngarkuarën me punë të Ambasadeës së Shteteve të Bashkuara të Amerikës në Kosovë, Anu Prattipati. Gjatë këtij takimi, Prattipati ka shprehur falënderimet e saj ndaj gjeneralmajorit për angazhimin dhe udhëheqjen në nxitjen e bashkëpunimit mbrojtës ndërmjet dy vendeve.
Gjatë bisedimeve, është theksuar rëndësia e kontributit të dhënë në zhvillimin e Partneritetit Shtetëror ndërmjet Gardës Kombëtare të Ajovës dhe Kosovës. Sipas vlerësimeve të dala nga takimi, ky partneritet ka një rol kyç në forcimin e mëtejshëm të lidhjeve dhe bashkëpunimit dypalësh.
