Shpend Hasanramaj humb jetën në Bjeshkët e Strellcit — arrestohet i biri
Policia e Kosovës ka arrestuar djalin e viktimës si të dyshuar për ngjarjen tragjike dhe ka sekuestruar një armë zjarri gjatë hetimeve.
Redaksia ZHURMA · · Përditësuar · 1 min lexim
DEÇAN — Shpend Hasanramaj ka humbur jetën të enjten në Bjeshkët e Strellcit të Deçanit, pasi dyshohet se u qëllua aksidentalisht me armë zjarri nga djali i tij, Erdonit Hasanramaj. Policia e Kosovës ka arrestuar të dyshuarin, ndërsa zëdhënësi rajonal i Pejës, Driton Rugova, konfirmoi se gjatë hetimeve është sekuestruar edhe një armë zjarri.
Ceremonia e varrimit të viktimës do të mbahet të shtunën në varrezat e fshatit Strellc i Epërm, sipas njoftimit të familjes të publikuar nga mediat. Gazeta Express raporton se ngjarja tragjike ndodhi gjatë qëndrimit të tyre në bjeshkë, ndërsa organet e hetuesisë po vazhdojnë punën për ndriçimin e plotë të rastit.
Burim: Gazeta Express
— Redaksia ZHURMA
