Volf: Rasëll po kalon moment katastrofik pas humbjes së titullit

Piloti britanik i Mercedesit, Xhorxh Rasëll, u largua nga pista në Meksikë pa përmbushur detyrimet mediatike dhe pa marrë pjesë në festimet e shokut të skuadrës, Kimi Antoneli, i cili siguroi kampionatin në Formula 1. Ndonëse fillimisht e uroi personalisht për triumfin dhe e përqafoi, Rasëll përfundoi garën në vendin e gjashtë dhe humbi përfundimisht mundësinë për titull, duke rrezikuar edhe pozicionin e tij në renditje. Për shkak të shmangies së intervistave dhe largimit nga pista, FIA gjobiti skuadrën e Mercedesit me 5 mijë euro.

Shefi i Mercedesit, Toto Volf, e mbrojti pilotin e tij duke shpjeguar arsyen e mungesës dhe duke theksuar se ai po përjeton një periudhë shumë të vështirë. «E njoh Xhorxhin prej shumë kohësh dhe e di se për një sportist, veçanërisht për një pilot garash, ky është një moment katastrofik. Fakti që nuk mori pjesë në intervistat për mediat dhe u largua nga pista është plotësisht i kuptueshëm», deklaroi Volf.