Alf-Inge Haaland: Largimi i Erlingut nga Manchester City nuk përjashtohet

Erling Haaland mbetet një nga lojtarët kryesorë të Manchester Cityt, por e ardhmja e sulmuesit norvegjez mund të ndikohet nga proceset ligjore dhe akuzat për më shumë se 100 shkelje të rregullave financiare të Ligës Premier. Edhe pse norvegjezi ka shënuar nëntë gola në nëntë xhirot e para të këtij edicioni dhe ka kontratë të vlefshme deri në vitin 2034, babai i tij, Alf-Inge Haaland, ka lënë të hapur çdo mundësi lidhur me një largim të mundshëm nga skuadra kuqezi.

Klubi nga Manchesteri ka parë një rënie të rezultateve në javët e fundit, ndërkohë që drejtuesit e tij po përballen me mundësinë e sanksioneve dhe me rrezikun e rënies nga kategoria shkaku i shkeljeve të pretenduara financiare. Kjo situatë ka shtuar pasigurinë rreth fatit të yjeve të skuadrës, ndonëse ndryshimet në udhëheqjen teknike, ku Enzo Maresca ka marrë drejtimin pas largimit të Pep Guardiolës, kanë sjellë dinamika të reja në fushë.

Lidhur me këto zhvillime, Alf-Inge Haaland theksoi se opinioni publik dhe mediat po e vënë në shënjestër klubin anglez, duke kërkuar durim derisa të mbyllet çështja e apelit. «Mendoj se duhet të presim rezultatin e apelit. Mund të përfundojë shpejt, megjithëse ka tifozë, klube rivale dhe, mbi të gjitha, gazetarë që po e synojnë Cityn tani. Pra, thjesht duhet të presim dhe të shohim se cili do të jetë rezultati i apelit», deklaroi ai. Ai shtoi gjithashtu se institucioni sportiv beson në pafajësinë e tij: «City beson se ka prova të forta për të vërtetuar pafajësinë e tij dhe mendoj se është më mirë të presim derisa të merret ky vendim. Erling po mendon vetëm të luajë sa më shumë futboll të jetë e mundur dhe është i përqendruar në këtë. Mendoj se jemi kryesisht ne, jashtë fushës, që mendojmë pak më shumë për këtë».

Nëse skuadra e drejtuar nga Enzo Maresca përballet me ndëshkumë drastike si rënia nga kategoria, sulmuesi norvegjez pritet të tërheqë interesim masiv nga klubet më të mëdha evropiane, edhe pse vlera e lartë dhe paga e tij astronomike kufizojnë numrin e blerësve potencialë. Mes opsioneve të mundshme përmendet Real Madridi, i cili e ka ndjekur gjendjen e tij prej kohësh për të mbuluar boshllëkun në repartin ofensiv, duke krizuar mundësinë e një bashkëpunimi sulmues mes tij dhe Kylian Mbappes.