Pse Vllasi thotë se këta që prodhojnë kriza s'dinë ta udhëheqin shtetin?
Analisti politik parashikon zgjedhje të reja edhe pas 7 qershorit, duke kritikuar qeverisjen pa institucione.
PRISHTINË — Partitë politike nisën dje fushatën zgjedhore për zgjedhjet e 7 qershorit. Lëvizja Vetëvendosje dhe PDK-ja e filluan nga Ferizaj, LDK-ja nga kryeqyteti, ndërsa AAK-ja nga Gjakova.
Analisti politik Azem Vllasi komentoi situatën, duke parashikuar cikël të vazhdueshëm zgjedhjesh. "Gjithçka duket ashtu si kemi pa që një vit e gjysmë. Ajo që duket si e sigurt është se edhe pas këtyre zgjedhjeve do të kemi zgjedhje tjera", tha ai.
Vllasi kritikoi prodhuesit e krizës institucionale, duke vlerësuar se "përveç zgjedhjeve, shtetin nuk dinë ta udhëheqin". Ai iu referua kryeministrit Kurti: "Kurtit po i pëlqen qeverisja pa institucione. Boll e ka 'Qeverinë në detyrë'".
Fushata zgjat deri më 7 qershor, ora 06:59.
Burim: Zëri
— Redaksia ZHURMA