LDK e rikthen zyrtarisht Vjosa Osmanin në strukturat e partisë
Abdixhiku njoftoi se të gjithë deputetët e LDK-së, përfshirë Albena Reshitajn, bëhen anëtarë me të drejta të plota të Këshillit të Përgjithshëm.
PRISHTINË — Kuvendi i Jashtëzakonshëm i LDK-së vendosi sot që të gjithë deputetët e partisë të bëhen pjesë e Këshillit të Përgjithshëm me të drejta të plota, njoftoi kryetari i rikonfirmuar Lumir Abdixhiku. Vendimi e kthen zyrtarisht ish-presidenten Vjosa Osmani në strukturat e LDK-së, bashkë me deputeten e re Albena Reshitaj.
"Morëm vendim që në Këshillin e Përgjithshëm të LDK-së, t'i inkorporojmë si anëtarë me të drejta të plota të gjithë deputetët e LDK-së, të cilëve ju urojmë mirëseardhje në këtë Këshill të Përgjithshëm," tha Abdixhiku, sipas Lajmi.net, gjatë Kuvendit të Jashtëzakonshëm të sotëm.
Burim: Gazeta Metro
— Redaksia ZHURMA