Vitia pranon vonesat dhe premton sigurimet shëndetësore në fund të mandatit
Ministri i Shëndetësisë thotë se zhvillimet politike ndikuan te zbatimi i ligjit të miratuar në prill.
Redaksia ZHURMA · · 1 min lexim
Ligji për Sigurimin e Detyrueshëm të Kujdesit Shëndetësor, ndonëse u miratua në muajin prill, nuk ka hyrë në funksion gjashtë muaj më vonë. Ministri i Shëndetësisë, Arben Vitia, ka pranuar se zgjedhjet e jashtëzakonshme dhe zhvillimet politike kanë ndikuar drejtpërdrejt në vonesat e këtij procesi.
Pavarësisht ngecjeve, Vitia ka bërë të ditur se puna për sigurimet dhe për Sistemin Informativ Shëndetësor po vijon. Zbatimi i tyre parashikohet të ndodhë në mënyrë graduale, me synimin e qartë që të funksionalizohen plotësisht deri në fund të mandatit.
