Vitia paralajmëron masa ndaj drejtorit të Spitalit të Mitrovicës

MITROVICË — Ministri i Shëndetësisë, Arben Vitia, ka deklaruar se raste të tilla nuk do të tolerohen nga asnjë punonjës shëndetësor, pas ndalimit të drejtorit të Spitalit të Përgjithshëm të Mitrovicës, Gëzim Berisha, nën dyshimet për dhunë në familje dhe kanosje.

Vitia ka bërë të ditur se është informuar për ngjarjen gjatë rrugës për në mbledhjen e Këshillit të Përgjithshëm të Lëvizjes Vetëvendosje, kohë gjatë së cilës ka kontaktuar anëtarët e Bordit të ShSKUK-së për të kërkuar ndërmarrjen e veprimeve të nevojshme. Ai theksoi se në koordinim me organet përgjegjëse do të merren masat meritore, ndërsa kërkoi nga bordi që të jenë në kontakt me institucionet përgjegjëse.