Tahiri: Me qeverinë Kurti, Kosova duhet ta fshijë anëtarësimin në BE

Shefi i Grupit Parlamentar të Aleancës, Besnik Tahiri, ka deklaruar se aplikimi i Kosovës për marrjen e statusit të vendit kandidat nuk ka shënuar asnjë zhvillim dhe nuk pritet të ketë përparim nën udhëheqjen e ekzekutivit aktual. Sipas tij, deklaratat qeveritare për integrimin në Bashkimin Evropian nuk përputhen me vlerësimet e Komisionit Evropian, të cilat çdo vit e vlerësojnë negativisht progresin e vendit.

Tahiri ka vlerësuar se dështimi në përmbushjen e kritereve përbën dështim të politikës shtetërore dhe se integrimi evropian rrezikon të mbetet vetëm një slogan politik. «Shkurt, me këtë qeveri, Republika e Kosovës duhet ta fshijë integrimin dhe anëtarësimin në BE», ka theksuar ai në reagimin e tij.