Policia arreston një person të kërkuar nga Interpoli dhe një tjetër në Merdarë

Një shtetas kosovar i kërkuar me urdhërarrest ndërkombëtar nga autoritetet e Luksemburgut është arrestuar nga Policia e Kosovës. Sipas njoftimit zyrtar, i dyshuari me inicialet D.A., i cili kërkohej për veprën penale të vjedhjes përmes Interpoli-t, u prangos nga njësitet e Drejtorisë për Bashkëpunim Ndërkombëtar Policor në bashkëpunim me njësitet e tjera.

Në një ngjarje tjetër, një person është arrestuar në Pikën e Kalimit Kufitar në Merdarë të Podujevës nën dyshimin se ka sulmuar fizikisht një person tjetër. Viktima ka marrë trajtim mjekësor pas sulmit, ndërsa me vendim të prokurorit i dyshuari është dërguar në mbajtje.