Rrëzohet vinçi në Prishtinë, humb jetën Ermal Sherifi nga Lipjani
Një person tjetër mbeti i plagosur në incident; kryetari i Lipjanit, Imri Ahmeti, shprehu ngushëllime familjes Sherifi.
Redaksia ZHURMA · · Përditësuar · 1 min lexim
PRISHTINË — Një person humbi jetën dhe një tjetër mbeti i plagosur pasi sot te rruga "A" në Prishtinë u rrëzua një vinç. Viktima është Ermal Sherifi, nga fshati Rubofc i Komunës së Lipjanit, shkruan Lajmi.net.
Kryetari i Komunës së Lipjanit, Imri Ahmeti, shprehu ngushëllime familjes Sherifi. "Me pikëllim të thellë morëm lajmin për humbjen e parakohshme të më të dashurit tuaj, Ermal Sherifi. Kjo ngjarje e rëndë ka prekur thellë jo vetëm familjen tuaj, por edhe të gjithë qytetarët e Komunës së Lipjanit", shkroi Ahmeti.
Në fjalën e tij, kryetari shtoi se në këto momente të dhimbshme i shpreh ngushëllimet më të sinqerta familjes Sherifi, të afërmve, miqve, kolegëve dhe të gjithë atyre që patën fatin ta njohin Ermalin.
Burim: Lajmi.net
— Redaksia ZHURMA
