Vetura futet në një garazh në Vushtrri pas humbjes së kontrollit
Një automjet ka goditur një garazh në fshatin Druar, duke shkaktuar dëme materiale.
Redaksia ZHURMA · · 1 min lexim
Një qytetar nga fshati Druar i Vushtrrisë ka njoftuar autoritetet se një veturë ka hyrë brenda garazhit të tij, duke shkaktuar dëme të mëdha materiale në murin e objektit dhe në veturën që ka qenë e parkuar aty. Sipas deklaratës së dhënë, incidenti ka ndodhur rreth orës 21:00.
Po ashtu, nga të dhënat e publikuara bëhet e ditur se automjeti dyshohet të jetë drejtuar nga një i mitur rreth moshës 16-vjeçare. Megjithatë, ky informacion deri më tani mbetet i pakonfirmuar zyrtarisht nga organet kompetente.