Vergori dhe Osborn diskutojnë për sigurinë dhe stabilitetin në Kosovë

Komandanti i KFOR-it, Roberto Vergori, ka zhvilluar një takim në kampin “Film City” në Prishtinë me Gjeneralmajor Stephen Osborn, i cili është Adjutant Gjeneral i Gardës Kombëtare të Ajovës. Sipas njoftimit zyrtar, në këtë takim është biseduar rreth kontributeve të vendeve që ofrojnë trupa në misionin e NATO-s në Kosovë, si dhe për përkushtimin e vazhdueshëm ndaj mbështetjes së sigurisë dhe zhvillimit në vend.

Gjatë bisedimeve është vënë theksi te rëndësia e bashkëpunimit dhe e kontributit të partnerëve ndërkombëtarë në ruajtjen e stabilitetit. Misioni i KFOR-it ka ritheksuar angazhimin e tij për të përmbushur mandatin e vet, duke ruajtur koordinimin e ngushtë me të gjithë akterët përkatës.