Drilon Cokli flet në protestë për vrasjen e motrës
Vëllai i Erona Coklit flet në protestën në Prishtinë dhe kërkon drejtësi për vrasjen e ndodhur në Ferizaj.
Redaksia ZHURMA · · 1 min lexim
Në protestën mbarëkombëtare kundër vrasjes së grave të mbajtur në Prishtinë, mori pjesë Drilon Cokli, vëllai i Erona Coklit, e cila u vra më 12 prill 2024 në Qendrën për Punë Sociale në Ferizaj. Duke folur para protestuesve, ai ndau dhimbjen e familjes dhe kërkoi që rasti të trajtohet me seriozitetin e duhur nga organet kompetente.
«Me 12 prill 2024 humba motrën time, Eronën, dhe që nga ajo ditë jeta ime nuk është më e njëjtë», u shpreh ai, duke shtuar se e ka të rëndë të shohë nipin e tij teksa ndien mungesën e nënës dhe pyet se si mund t'i shpjegohet një fëmije një humbje e tillë e pariparueshme. Për më tepër, ai theksoi se familja nuk është e kënaqur me dënimin prej 24 vitesh burgim për dorasin, por kërkon që drejtësia të vihet plotësisht në vend për jetën e humbur të motrës së tyre.
