Veliaj prezanton bilancin e javës për Tiranën dhe projektet e reja

TIRANË — Kryebashkiaku Erion Veliaj ka ndarë në rrjetet sociale bilancin e punëve të kryera gjatë javës në kryeqytet, duke theksuar se pavarësisht vështirësive dhe faktit se ndodhet në qeli prej muajit shkurt të vitit 2025, puna në Bashkinë Tiranë nuk ndalet. Përmes një postimi, ai ka deklaruar se java e kaluar ka treguar se aty ku ka vullnet, ekziston edhe një zgjidhje për çdo sfidë.

Veliaj ka renditur disa nga projektet dhe arritjet e realizuara gjatë ditëve të fundit, duke veçuar shpërndarjen e 1800 kredive të buta për familjet tiranase, për të cilat është shprehur krenar. Gjithashtu, ai ka përmendur vijimin e punimeve për shkollën e re në Astir, e cila parashikohet të jetë gati për vitin e ardhshëm shkollor, si dhe ndërtimin e parkingut të ri te Pazari i Ri.