Berisha kërkon lirimin e gazetarit holandez Vincent van Gerven Oei

Kreu i Partisë Demokratike, Sali Berisha, ka kërkuar lirimin e menjëhershëm të gazetarit holandez Vincent van Gerven Oei, i cili është ndaluar nga Policia. Gjatë komunikimit me gazetarët dhe qytetarët në rrjetet sociale, pas një pyetjeje nga Milaim Nela, Berisha e ka cilësuar atë si një nga zërat më objektivë dhe kritikë ndaj qeverisë së kryeministrit Edi Rama, duke shtuar se ai ka denoncuar “Albanian Files” dhe nuk ka asnjë lidhje me Partinë Demokratike. «Që sot kërkoj lirimin e tij të menjëhershëm. Gazetari në fjalë është një kritik i zhvillimeve në Shqipëri, ndër më objektivët. Ky gazetar nuk ka asnjë lidhje me Partinë Demokratike, por një gjë është e sigurt që ky gazetar e do Shqipërinë», u shpreh ai, ndërsa lëshoi edhe një paralajmërim duke deklaruar se kryeministri nuk ngurron për asnjë akt ndaj personave që i konsideron armiq personalë.

Siç raportoi Zhurma më 8 nëntor 2026, SPAK kishte nisur hetimet për botimin e përfshirë në këtë çështje, pas reagimit të deputetes Ina Zhupa për projektet e trajtuara aty.