Vazhdojnë procedurat për privatizimin e tokave shtetërore

Propozim ndryshimet e ligjit për privatizimin e tokave nën objekte që figurojnë në pronësi shtetërore ofrojnë mundësi shtesë për personat fizikë që nuk kanë dorëzuar ende kërkesë në Drejtorinë për Çështje Juridiko Pronësore. Sipas Ministrisë së Financave, personat e interesuar përfitojnë afat prej një viti nga hyrja në fuqi e ligjit për të dorëzuar shkresë për ndryshim nga e drejta e shfrytëzimit në të drejtë pronësie, ndërkohë që afati i kaluar kishte skaduar më 31 dhjetor 2021.

Ministria e Financave njoftoi se gjatë zbatimit të deritanishëm janë dorëzuar gjithsej 332,430 kërkesa në njësitë rajonale, me numrin më të lartë të përqendruar në Manastir, Prilep, Kumanovë, Shtip dhe në komunat e Shkupit si Gazibabë, Karposh, Kisella Vodë e Çair, ku vetëm në kryeqytet numri arrin në 75 mijë kërkesa. Nga ky total, edhe 58,500 kërkesa kanë mbetur të pazgjidhura, por ndryshimet e reja synojnë përshpejtimin e kësaj dinamike. Për sa i përket kostos, çmimet mbeten të pandryshuara në 61 denarë për metër katror për tokat nën objekt, duke rezultuar në 100 euro për një sipërfaqe prej 100 metrash katrorë, ndërsa për qëllime komerciale e tregtare çmimi është 438 denarë për metër katror.