62-vjeçari nga Kosova vdes pas përplasjes me kamion në Durrës
Policia njofton se drejtuesi i kamionit është një 49-vjeçar nga Berati
Redaksia ZHURMA · · Përditësuar · 1 min lexim
DURRËS — Një aksident i rëndë automobilistik ka ndodhur ditën e sotme në Portin e Durrësit, tek zona e Skanerit. Sipas të dhënave paraprake, një mjet tip kamion, me drejtues një 49 vjeçar, banues në Berat, ka përplasur këmbësorin Nexhmi Shabani, 62 vjeç, banues në Kosovë. Fillimisht, u njoftua se i aksidentuari kishte pësuar vetëm dëmtime të lehta, por disa orë pas aksidentit, ai humbi jetën në spital.
Sipas njoftimit të Policisë së Shqipërisë, ngjarja ka ndodhur gjatë ditës së sotme, në sheshin para skanerit të Portit të Durrësit. Dyshohet se shtetasi N. M., 49 vjeç, banues në Berat, duke drejtuar një kamion, ka përplasur aksidentalisht shtetasin N. Sh., 62 vjeç, banues në Kosovë.
Media të tjera raportojnë se 62-vjeçari u dërgua me urgjencë në Spitalin Rajonal të Durrësit. Pavarësisht përpjekjeve të mjekëve për ta mbajtur në jetë, ai ndërroi jetë pasditen e sotme si pasojë e plagëve të marra.
Burim: Gazeta Blic, gazetablic.com
— Redaksia ZHURMA
