Pse zgjodhi Matoshi Kosovën në vend të Zvicrës?
Mesfushori 22-vjeçar i Thunit pranon ftesën e Franco Fodës për miqësoret kundër Çekisë dhe Andorrës.
PRISHTINË — Mesfushori Valmir Matoshi ka zgjedhur të përfaqësojë Kosovën në nivel ndërkombëtar, duke refuzuar Zvicrën ku deri vonë luante me U21. 22-vjeçari i klubit zviceran Thun ka pranuar ftesën e përzgjedhësit Franco Foda për dy ndeshjet miqësore të qershorit kundër Çekisë dhe Andorrës.
Matoshi vjen pas një sezoni ku u shpall kampion me Thunin, me 34 ndeshje, 6 gola dhe 4 asistime. Vlera e tij në Transfermarkt është 1.2 milionë euro. Forma e lartë e ka vënë në shënjestër të klubeve të Serie A si Genoa, Lecce dhe Bologna, ndërsa pritet të largohet nga Thuni këtë verë.
Përveç Matoshit, Foda ka ftuar edhe Dardan Shabanhaxhaj dhe Rilind Nivokazi, duke "freskuar" radhët e Kombëtares.
Burim: RTV21
— Redaksia ZHURMA