Vajc: Maqedonia udhëheqëse në BE po u tejkaluan bllokadat
Eurodeputeti Tomas Vajc thekson se sundimi i ligjit dhe lufta kundër korrupsionit janë kyçe për zhvillimin ekonomik dhe integrimin.
Redaksia ZHURMA · · 2 min lexim
Eurodeputeti dhe raportuesi i Parlamentit Evropian për Maqedoninë, Tomas Vajc, ka deklaruar gjatë një debati tematik në Parlament se shteti duhet të jetë udhëheqës në negociatat për anëtarësim në Bashkimin Evropian nëse tejkalohen të gjitha bllokadat nga Bullgaria fqinje. Ai vlerësoi se reformat e zbatuara deri më tani duhet të merren parasysh për fillimin e negociatave, ndërsa theksoi nevojën për të investuar përpjekje të mëdha në këtë drejtim.
Vajc u shpreh se korrupsioni përbën një pengesë që nuk i sjell dobi askujt, ndërsa shtoi se sundimi funksional i së drejtës dhe zbatimi konsikuent i ligjeve janë parakushte për zhvillimin ekonomik dhe kthimin e besimit të qytetarëve. Sipas tij, investitorët dhe sipërmarrësit duhet të mbështeten te zbatimi i ligjeve në praktikë, çka ndihmon edhe në mbajtjen e të rinjve në vend përmes krijimit të perspektivave më të mira.
Lidhur me funksionimin e institucioneve, eurodeputeti bëri të a ditur se përzgjedhja e kuadrove udhëheqëse, drejtorëve dhe ministrave duhet të bëhet mbi bazën e arsimit, përvojës së punës dhe kualifikimeve, duke shmangur paragjykimet partiake. Ai shtoi se institucionet duhet të kenë kapacitete, burime dhe pavarësi nga ndikimi politik për të zbatuar ligjet dhe për të siguruar llogaridhënie.
Lexo edhe
Më shumë →Koleksione · të dhëna të verifikuara
Vazhdo me më të lexuarat sot
Përditësuar