Ramadan Emini merr drejtimin e Forumit Rinor të BDI-së në Saraj
Kryetari i BDI-së, Ali Ahmeti, merr pjesë në Kuvendin Zgjedhor ku Ramadan Emini zgjidhet kryetar i rinisë në Saraj.
Redaksia ZHURMA · · 1 min lexim
Dega e Sarajit ka mbajtur Kuvendin Zgjedhor të Forumit Rinor të Bashkimit Demokratik për Integrim, ku Ramadan Emini është zgjedhur në krye të këtij forumi. Ngjarja ka mbledhur drejtuesit e partisë, ndërsa kreu i saj ka ndjekur nga afër zhvillimin e procesit zgjedhor.
Kryetari i BDI-së, Ali Ahmeti, ka uruar kryetarin e ri dhe anëtarët e zgjedhur, duke u uruar suksese në detyrat e reja. Nëpërmjet një postimi, Ahmeti ka vlerësuar kontributin e të rinjve në proceset e kaluara dhe ka përcjellë mesazhin se «Me rininë i bëmë ndryshimet në Maqedoninë e Veriut, me rininë do të vazhdojmë t’i bëjmë ndryshimet e nevojshme dhe bashkë do t’i mposhtim puthadorët që kanë harruar se përfaqësimi dhe dinjiteti nuk negociohen».