Uk Lushi: Perëndimorët na tradhtuan, Specialja dha verdikt politik

Ish-ushtari i UÇK-së dhe investitori shqiptaro-amerikan, Uk Lushi, ka deklaruar se perëndimorët e kanë tradhtuar Kosovën përmes procesit të Dhomave të Specializuara në Hagë ndaj ish-krerëve të UÇK-së. Gjatë një paraqitjeje, ai u shpreh se Kosova e kishte pranuar themelimin e Speciales me mirëbesimin se gjykimi do të mbështetej te standardet e demokracive perëndimore, por sipas tij u dha një verdikt politik.

Lushi tha se qëllimi i këtij vendimi është heqja e UÇK-së nga historia dhe paralajmëroi se pasojat mund të jenë të mëdha për vendin, duke shtuar se besimi në institucionet e drejtësisë është dëmtuar rëndë.