UEFA sjell risi për klubet shqiptare në Ligën e Konferencës

UEFA sjell një mundësi të re për futbollin shqiptar në kompeticionet europiane, ku fituesi i Kupës së Shqipërisë nuk do ta nisë rrugëtimin nga turi i parë kualifikues i Ligës së Konferencës në verën e ardhshme, por do të kalojë drejtpërdrejt në turin e dytë. Ky ndryshim vjen për shkak të një ribalancimi të mundshëm nëse zyrtarizohet mungesa e Rusisë në kompeticionet europiane për sezonin 2027/28.

Në rast se fituesi i kampionatit do të fitojë gjithashtu edhe Kupën e Shqipërisë, vendi i dytë në renditjen e Superiores do të përfitojë automatikisht nga ky zhvillim. Kjo situatë rrit ndjeshëm vlerën e trofeut të Kupës, duke bërë që një klub shqiptar të përfitojë miliona lekë më shumë nga pjesëmarrja. Dinamo e drejtuar nga Ilir Daja e ka fituar Kupën në dy edicionet e kaluara, duke arritur deri në fazën “play off” të Ligës së Konferencës gjatë verës.