UEFA gjobit Egnatian me 25 mijë euro për hedhje gjësendesh në fushë

RROGOZHINË — Organi i Apelit i UEFA-s e gjobiti kampionen e Shqipërisë, Egnatia, me 25 mijë euro, pas hedhjes së gjësendeve në fushë gjatë ndeshjes kualifikuese për Ligën e Kampionëve kundër sllovenëve të Celjes, që përfundoi 3:3.

Vendimi urdhëron edhe mbylljen e pjesshme të stadiumit të Egnatias në ndeshjen e ardhshme evropiane si vendëse, sanksion që mbetet me kusht për një periudhë dyvjeçare, duke filluar nga data e vendimit.

Klubi u godit edhe me pezullimin një-ndeshje të drejtorit Kledji Zenelaj për sjellje josportive. Ndeshja e kthimit mes Egnatias dhe Celjes, në kuadër të raundit të dytë kualifikues të Ligës së Kampionëve, luhet sot, pas barazimit 3:3 në ndeshjen e parë. Rezultati i barazuar e lë kualifikimin të hapur për të dyja anët, ndërsa Egnatia hyn në ndeshje edhe nën peshën e gjobës e paralajmërimit të UEFA-s.

Burim: Koha.net
— Redaksia ZHURMA