Si po ikin turistët e huaj nga Shqipëria pas protestave?
Operatorët turistikë raportojnë anulime nga Sllovakia dhe Gjermania, ndërsa kërkesa për paketa pushimesh ka rënë.
TIRANË — Protestat që zhvillohen prej më shumë se një jave në Shqipëri kanë filluar të godasin sektorin e turizmit. Operatorët turistikë raportojnë anulime rezervimesh dhe rënie të kërkesës për paketa pushimesh verore.
"Në impaktin e drejtpërdrejtë të kancelimit kemi pas nga Sllovakia e cila ajo mban qëndrim pro-serb. Gjithashtu kemi pas anulime edhe nga Gjermani", tha Rrahman Kasaj, kryetar i "Unionit Turistik". Kasaj shtoi se njerëzit "nuk po blejnë dhe thonë ku e dimë ne se si shkon nesër".
Enrik Mehmeti, kryetar i ATA-s, vuri në dukje se "klientët e tour-operatorëve botërorë janë të shqetësuar në një vend ku ka destabilizim". Sipas tij, rikthimi i turizmit pas një goditjeje ka "kosto të jashtëzakonshme", duke përmendur Tunizinë dhe Egjiptin si shembuj.
Protesta e Flamingove ka bërë që shumë agjenci turistike ta heqin Shqipërinë nga lista e sugjerimeve. Në vitin 2025 vendi u vizitua nga 12.4 milionë shtetas të huaj, të cilët gjeneruan 5.72 miliardë euro të ardhura.
Burim: Telegrafi
— Redaksia ZHURMA