Tre persona gjenden pa shenja jete në 24 orët e fundit në Kosovë
Policia njofton për tri raste të ndara, dy viktima janë të identifikuara
PRISHTINË — Policia e Kosovës ka njoftuar për tri raste të ndara të hetimit të vdekjes gjatë 31 korrikut, në Ranilluk, Suharekë dhe Gjakovë. Në të gjitha rastet, trupat e pajetë janë dërguar në Institutin e Mjekësisë Ligjore (IML) për obduksion, ndërsa hetimet janë në vazhdim.
Sipas burimit të Insajderi, një ankues mashkull kosovar ka informuar se kishte gjetur pa shenja jete babanë e gruas, ai jetonte vetëm. Me vendim të prokurorit trupi i pa jetë i viktimës është dërguar në IML për obduksion.
Një viktim tjetër mashkull kosovar, i cili kishte pësuar lëndime, dyshohet pasi ishte rrëzuar për shkak se ishte në gjendje të dehur, pas trajtimit mjekësor në QKMF, është dërguar në Spitalin Rajonal në Prizren dhe atje ka ndërruar jetë. Ekipi mjekësor e ka konstatuar vdekjen e viktimës, ndërsa me vendim të prokurorit, trupi i pajetë është dërguar në IML për obduksion.
Në breg të lumit-tek Ura e Fshajt, është gjetur pa shenja jete trupi i viktimës (i gjinisë femërore) ende i pa identifikuar. Ekipi mjekësor ka konstatuar vdekjen e viktimës në vendin e ngjarjes, ndërsa me vendim të prokurorit, trupi i pa jetë është dërguar në IML për obduksion.
Burim: Insajderi, https://insajderi.org/tre-persona-gjenden-pa-shenja-jeta-ne-24-oret-e-fundit-ne-kosove-policia-jep-detaje/
— Redaksia ZHURMA