Thirrje për listë të përbashkët të shqiptarëve në zgjedhjet në Serbi

Afaristi dhe humanisti Muharrem Salihu ka kërkuar bashkimin e forcave politike dhe qytetare në Luginën e Preshevës, me qëllim sigurimin e tre mandateve në parlament. Ai ka theksuar se procesi zgjedhor përfaqëson një shans për forcimin e peshës politike të shqiptarëve nga Presheva, Medvegja dhe Bujanoci.

Sipas tij, realizimi i këtij synimi kërkon përqendrimin e votave rreth një platforme të përbashkët. Përfaqësimi më i fuqishëm kërkon bashkëpunim jo vetëm brenda bashkësisë shqiptare, por edhe me komunitetet e tjera që banojnë në tri komunat, duke hapur rrugë për marrëdhënie më të mira ndëretnike.