Rrëfimi prekës i Lamine Yamalit për fëmijërinë e vështirë dhe sakrificat e nënës
Ylli i Barcelonës flet për fëmijërinë modeste dhe sakrificat e nënës që e rriti në kushte të vështira ekonomike.
Redaksia ZHURMA · · 2 min lexim
Lamine Yamal është shndërruar në një ndër emrat më të ndritur të futbollit planetar, por rrugëtimi i tij drejt majave nuk ka qenë aspak i lehtë. Ylli i Barcelonës e ka kaluar fëmijërinë në lagjen Rocafonda të Matarós, në një familje me mundësi të kufizuara ekonomike. Roli i nënës së tij, Sheila Ebana, ka qenë vendimtar si në jetën personale ashtu edhe në karrierën sportive.
Në një rrëfim të tij, futbollisti ka kujtuar ambientet modeste ku u rrit, duke treguar se dikur jetonte në një banesë ku kuzhina dhe vendi i fjetjes ndodheshin brenda të njëjtës hapësirë. Pavarësisht vështirësive financiare dhe punës së saj në një restorant ushqimi të shpejtë, nëna gjente gjithmonë mënyrë për ta gëzuar të birin, duke i blerë dikur edhe një aparat PlayStation me mundësitë e pakta që dispononin.
Tani që mund t'i lejojë vetes çdo gjë, lojtari nuk i ka harruar sakrificat e saj. Si shenjë mirënjohjeje, ai i ka blerë një shtëpi në zonën që ajo vetë e ka zgjedhur. Megjithatë, Yamal thekson se asnjë gjest material nuk mund t'i afrohet asaj që nëna i ka ofruar gjatë viteve të rritjes, duke mbetur gjithmonë një prej modelet e tij kryesore.
