Pse forcohen masat për trafik dhe siguri në Tetovë?
Tetova pritet të ketë polic në çdo tridhjetë metra dhe ekipe të veçanta policie në hyrje-daljet e qytetit
Tetovë — Policia do të forcojë praninë në rrugët e Tetovës, me rastin e ardhjes së mërgimtarëve por edhe organizimit të verës kulturore tetovare. Nëpër rrugët e Tetovës pritet të ketë polic në çdo tridhjetë metra, si dhe ekipe të veçanta policie në hyrje-daljet e qytetit, me qëllim orientimin e makinave që të mos evitohen tollovitë.
Kreu i Komunës së Tetovës, Bilall Kasami, ka apeluar banorët që gjatë kësaj periudhe, të përdorin sa më shumë transportin publik, me qëllim që mërgimtarët sa më lirshëm të lëvizin nëpër qytet.
“Tetova tanimë ka transport publik falas, andaj do kisha lutur gjithë banorët rezident të komunës që gjatë kësaj periudhe të mos shfrytëzojnë veturat për të dalë në qytet por të shfrytëzojnë transportin publik”, tha Bilall Kasami, Kryetar i komunës së Tetovës.
Burim: Telegrafi
— Redaksia ZHURMA