Si reagoi Tërshani pasi dorëzoi 650 faqe kërcënimesh në Polici?

PRISHTINË — Kandidatja për deputete nga \1, Adelina Tërshani, ka dorëzuar 650 faqe material në Policinë e Kosovës, duke dokumentuar qindra komente fyese, denigruese dhe kërcënuese që i janë drejtuar në rrjete sociale.

"Jam këtu për të vendosur një vijë të qartë mes lirisë së shprehjes dhe dhunës", ka thënë Tërshani në një deklaratë për mediat. Ajo theksoi se që 10 vjet është aktive në jetën publike, por në këtë fushatë është bërë subjekt i "qindra komenteve fyese, denigruese, kërcënuese e plot urrejtje".

Tërshani shtoi se nuk e ka bërë këtë hap për shkak të kritikave politike — "në demokraci kritika është e domosdoshme" — por sepse "askush nuk ka të drejtë të përdorë kërcënimin, poshtërimin edhe dhunën online si armë për t'i heshtur, frikësuar apo larguar gratë nga jeta publike e politike".

Ajo kritikoi tolerancën ndaj një kulture ku njerëzit "fshihen mbrapa ekraneve" duke menduar se mund të "shpifin, të ofendojnë e të kërcënojnë pa asnjë pasojë". "Interneti nuk është zonë pa ligj", ka thënë ajo, duke shtuar se "edhe në hapësirën digjitale ekziston përgjegjësia, edhe aty ekziston dinjiteti njerëzor, edhe aty ekziston ligji".

Tërshani kërkoi dënim për çdo person që shan dhe fyen në rrjete sociale, duke refuzuar "romantizimin e gruas të fortë në politikë". "Synimi nuk është për të krijuar gra që durojnë çdo gjë, synimi është që secili njeri që e merr guximin të shajë, të fyejë... me dalë para institucioneve të drejtësisë edhe me marrë dënimin meritor", ka deklaruar ajo.

Deponimi i 650 faqeve material në Polici vjen në ditën e shtatë të fushatës 10-ditore për zgjedhjet e jashtëzakonshme parlamentare të 7 qershorit.

Burim: Koha.net
— Redaksia ZHURMA