Hapet konkursi për Avokatin e Popullit me kërkesë të kryetares së Kuvendit

Komisioni për të Drejtat e Njeriut, Barazi Gjinore dhe Peticione ka shpallur konkursin për Avokatin e Popullit, me kërkesë të kryetares së Kuvendit, Albulena Haxhiu. Pro shpalljes së këtij konkursi votuan shtatë anëtarët e këtij komisioni.

Gjatë mbledhjes, deputetja e Vetëvendosjes, Adelina Tërshani, ngriti si çështje vrasjet e fundit, me theks të veçantë vrasjet e grave. Ajo u bëri thirrje institucioneve të zbatimit të ligjit që të mos mjaftohen vetëm me reagimin pas rasteve të caktuara, por të angazhohen në parandalimin e tyre.