Pse Taravari akuzon se 250 mln euro nga Hungaria shkuan zero për kompanitë shqiptare?
Kreu i Aleancës për Shqiptarët akuzon se ndihma për bizneset private përfitoi vetëm kompanitë maqedonase.
SHKUP — Kryetari i Aleancës për Shqiptarët, Arben Taravari, ka deklaruar se nga 250 milionë euro të huazuara nga Hungaria si ndihmë për kompanitë private me interes të ulët, asnjë euro nuk ka shkuar për kompanitë shqiptare në Maqedoninë e Veriut.
Në emisionin Click Plus në TV21, Taravari tha se një e katërta e huasë prej 250 milionë eurosh ishte destinuar për ndihmë ndaj bizneseve private. "Imagjinoni ato 250 milionë euro që u shpërndanë kompanive si ndihmë me interes të vogël — asnjë kompani shqiptare. Asnjë hiç, një për ilaç", u shpreh ai.
Taravari shtoi se i ka drejtuar pyetje ministrit të ekonomisë, i cili iu përgjigj se nuk kishte informacion për ndonjë kompani shqiptare përfituese. "Nëse ka, le të më demantojnë", sfidoi Taravari.
Burim: TV21
— Redaksia ZHURMA