Tahiri: Deputetët e PDK-së mbështesin iniciativën për Thaçin president

Deputeti i Partisë Demokratike të Kosovës (PDK), Arian Tahiri, ka deklaruar se çdo iniciativë për shpalljen e Hashim Thaçit president do të përbënte një mesazh të rëndësishëm pas aktgjykimit të Gjykatës Speciale në Hagë.

Duke folur në emisionin Debat Plus, Tahiri është pyetur nëse ekziston një iniciativë për shpalljen e Thaçit president dhe sigurimin e votave të nevojshme. Sipas tij, një veprim i tillë do t’i dërgonte mesazh Gjykatës Speciale se ajo nuk flet në emër të popullit të Kosovës.

Tahiri është shprehur se është plotësisht i bindur se secili deputet i PDK-së do t'i jepte mbështetjen me nderin dhe privilegjin më të madh. Ai ka njoftuar gjithashtu se partia do të mbajë mbledhjen e Kryesisë dhe të Grupit Parlamentar për të diskutuar hapat e mëtutjeshëm pas këtij aktgjykimi.