Çfarë kërkojnë studentët shqiptarë në protestën e 18 majit në Shkup?
Protesta zgjerohet nga kërkesa për provimin e jurisprudencës në shqip në kërkesë për respektim të plotë të gjuhës në të gjitha institucionet.
SHKUP — Studentët shqiptarë do të protestojnë sërish më 18 maj, duke zgjeruar kërkesat e tyre nga një çështje teknikë akademike në një lëvizje për respektimin e gjuhës shqipe në të gjitha institucionet e Maqedonisë së Veriut.
Protesta e parë kishte si qëllim të vetëm që provimi i jurisprudencës të jepet edhe në gjuhën shqipe. Tashmë, organizatorët kërkojnë respektim të plotë të gjuhës shqipe në të gjitha institucionet e vendit.
Mevlan Ademi, një nga organizatorët, apeloi për unitet të shoqërisë civile, profesorëve, studentëve dhe faktorëve politikë. "Gjuha jonë duhet të na bashkojë e jo të na ndajë. Në fund të ditës, të gjithë të njëjtin hall e kemi", tha ai. Protesta do të mbahet të hënën nga ora 16:30, me grumbullim tek Ura e Gurit.
Në përkrahje të protestës kanë dalë politikanë nga opozita shqiptare vendase, si dhe nga Kosova dhe Shqipëria. Kryeministri Hristijan Mickoski u ka kërkuar studentëve durim, duke thënë se po punohet për zgjidhje ligjore të problemit të provimit të jurisprudencës në gjuhën shqipe.
Burim: Zëri
— Redaksia ZHURMA