Stojançe Angelov: 36 zjarre të regjistruara në hapësirë të hapur

Drejtori i Drejtorisë për Mbrojtje dhe Shpëtim, Stojançe Angelov, ka paralajmëruar se rreziku i zjarreve në ambiente të hapura është ende shumë i lartë, pasi vetëm gjatë ditës së djeshme janë regjistruar më shumë se 36 zjarre. Sipas tij, aktualisht nuk ka zjarre alarmuese në territorin e vendit, por mbeten aktive disa vatra, përfshirë zonën Ramno në Malin e Zij të Shkupit, fshatrat Selcë dhe Lokov në kufirin midis Strugës dhe Dibrës, si dhe në afërsi të fshatit Belica në Makedonski Brod. Autoritetet bëjnë thirrje për kujdes të jashtëzakonshëm për shkak të lëvizjes së madhe të njerëzve dhe automjeteve.