Protestuesit kërkojnë lirimin e të arrestuarve para Policisë së Tiranës

TIRANË — Protestuesit janë zhvendosur përpara Drejtorisë së Policisë së Tiranës, ku po bëjnë thirrje «Lironi qytetarët, arrestoni Ramën», pas arrestimeve dhe përplasjeve të ndodhura më parë përpara Kryeministrisë. Tubimi para goditjes së qeverisë u shoqërua me momente kaotike kur qytetarët dhe studentët, të cilët kërkojnë dorëheqjen e kryeministrit Edi Rama, u përballën me ndërhyrjen e forcave të rendit.

Tensionet u përshkallëzuan gjatë tentativës për të penguar largimin e furgonit të policisë që po shoqëronte Edison Likën dhe Dritan Goxhajt, të cilët sipas informacioneve paraprake refuzuan të merrnin fletët e gjobave të vendosura nga policia. Gjatë përplasjeve fizike dhe ndërhyrjes ku mbërritën edhe forcat «Shqiponja», efektivët përdorën spraj me piper, duke bërë që disa vajza të përfundonin në ambulancë për të marrë ndihmë mjekësore. Ndërkohë, ende nuk ka një reagim zyrtar nga Policia e Shtetit lidhur me incidentet, përdorimin e sprajit dhe përplasjet gjatë protestës në Tiranë.