SPAK heton 16 zyrtarë, sekuestron pasuri 440 milionë euro që janar
Bilanci mbulon 1 janar–15 korrik: pesë kryetarë a ish-kryetarë bashkish, dy ministra a ish-ministra dhe një deputet mes të hetuarve.
TIRANË — Kreu i Strukturës së Posaçme kundër Korrupsionit dhe Krimit të Organizuar (SPAK), Klodian Braho, zhvilloi sot një takim me dyer të mbyllura me gazetarët, ku bëri bilancin e punës për periudhën 1 janar–15 korrik 2026. Sipas raportimit nga mediet, gjatë kësaj kohe janë hetuar 16 zyrtarë dhe ish-zyrtarë të nivelit të lartë, ndërsa janë sekuestruar pasuri me vlerë rreth 440 milionë euro.
Mes të hetuarve figurojnë pesë kryetarë ose ish-kryetarë bashkish, pesë drejtues institucionesh, tre gjyqtarë ose ish-gjyqtarë, dy ministra ose ish-ministra dhe një deputet, sipas të njëjtave burime mediatike.
Sa i përket pasurive, janë vënë nën sekuestro mbi 150 mijë metra katrorë prona të paluajtshme, më shumë se 60 vila, apartamente e hotele, mbi 10 shoqëri tregtare me kuotat e kapitalit dhe asetet e tyre, më shumë se 620 llogari bankare, si dhe rreth 100 automjete e mjete lundruese.
Burim: ATSH
— Redaksia ZHURMA