Smajljaj: Pa marrëveshje për president, fundi politik i Abdixhikut në krye të LDK-së

Profesori universitar, Avdi Smajljaj, ka thënë se çështja e zgjedhjes së presidentit nuk është e vështirë, por sipas tij këtë po e vështirësojnë subjektet politike. Duke komentuar diskutimet mes Lëvizjes Vetëvendosje dhe Lidhjes Demokratike, si të vetme në negociatat për president, ai ka thënë se nëse nuk arrihet marrëveshje do të jetë fundi politik i Lumir Abdixhikut në krye të LDK-së.

“Kanë mbet dy akterë në skenë që janë duke negociua, z.Abdixhiku është duke e ndihmuar këtë proces dhe nëse rezulton me një marrëveshje mund të marrë një kredit për këtë. Por, nëse dështon prapë marrëveshja, vendi nuk ka president dhe shkon në zgjedhje mendoj që është fundi i karrierës së tij në krye të LDK-së dhe normalisht një pjesë bukur të madh të fajit do të marrë LDK-ja”, ka thënë ai në emisionin “Këndi i Debatit” në Tëvë1.

Ai ka thënë se takimet jo të shpeshta ndërmjet LVV-së dhe LDK-së janë sinjale jo të mira. Të martën Kurti e Abdixhiku zhvilluan takimin e parë në ciklin e gjetjes së një kandidati konsensual jo partiak. Pas takimit të dy dhanë sinjale pozitive ku thanë se diskutuan për kriteret dhe profilin e presidentit. Poashtu Kurti e Abdixhiku thanë se çështjet e diskutuara në takim do të diskutohen brenda partive dhe do të takohen sërish.

Burimet: Epoka e Re (klaster 1 outlets).