Bayraktar: Turqia nuk do të heqë dorë nga asnjë pikë e "Atdheut Blu"

Turqia nuk do të heqë dorë kurrë nga as edhe një pikë e vetme e "Atdheut Blu", tha të enjten Selçuk Bayraktar, kryetar i bordit të TEKNOFEST-it dhe kompanisë turke të mbrojtjes Baykar, raporton Anadolu.

"Nëse atdheu ynë në tokë është shtëpia jonë, Atdheu Blu është kopshti ku gjejmë paqe", tha Bayraktar në ceremoninë e hapjes së "TEKNOFEST Atdheu Blu" në Komandën e Kantierit Detar Golcük, në veriperëndim të Turqisë.

Bayraktar vuri në dukje se sipërfaqja tokësore e Turqisë mbulon rreth 783 mijë kilometra katrorë, ndërsa zonat e saj të juridiksionit detar në kuadër të Atdheut Blu shtrihen në 462 mijë kilometra katrorë.

Ai tha se aktiviteti synon të kultivojë te të rinjtë dashurinë dhe vlerësimin për detin, si dhe të forcojë ndërgjegjësimin për të drejtat dhe interesat detare të Turqisë.

Bayraktar tha se mjeti ajror luftarak pa pilot Bayraktar TB3 ka hapur një epokë të re në aviacionin detar global falë aftësisë së tij për t'u ngritur dhe ulur në anijen TCG Anadolu.

Burimet: Tetova Sot (klaster 1 outlets).