Siljanovska-Davkova nuk e ka gati listën e amnistisë për 2 Gusht
Presidentja e Maqedonisë së Veriut njoftoi se ndryshimi i fundit i ministrit të Drejtësisë ka lënë ende të paplotësuara kërkesat e të burgosurve.
SHKUP — Presidentja e Maqedonisë së Veriut, Gordana Siljanovska-Davkova, konfirmoi se lista me emrat e të burgosurve që do të amnistohen për festën shtetërore të 2 Gushtit ende nuk është gati. Ajo theksoi se aktualisht është duke pritur propozimet zyrtare nga Ministria e Drejtësisë.
Sipas shefes së shtetit, procedurat janë ngadalësuar për shkak të ndërrimit të fundit të ministrit të Drejtësisë. Ajo shpjegoi se kërkesat e lëndëve paraqiten me kërkesë personale të të dënuarve ose nga të afërmit e tyre, andaj dokumentacioni nuk është plotësuar ende.
Deri më tani, Siljanovska-Davkova ka pranuar vetëm një pjesë të kërkesave dhe pret që dosjet tjera të arrijnë në ditët në vijim, sipas traditës për festën e Ilindenit. Ajo premtoi se opinioni publik do të njoftohet zyrtarisht sapo të merren të gjitha propozimet.
Burim: Alsat-M
— Redaksia ZHURMA