Si u kap i dënuari me pesë vjet burg për sulm seksual në Han të Elezit?
Policia e Kosovës ka arrestuar në fshatin Paldenicë personin M.B., i cili kërkohej me urdhër të gjykatës për të vuajtur dënimin prej pesë vjetësh.
HAN I ELEZIT — Policia e Kosovës ka arrestuar më 19 qershor një 57-vjeçar të identifikuar me inicialet M.B., i cili ishte i shpallur në kërkim me urdhër të gjykatës. Arrestimi i tij u krye në fshatin Paldenicë të komunës së Hanit të Elezit pas informatave të pranuara.
Sipas autoriteteve, i arrestuari është i dënuar me pesë vjet burgim efektiv për veprën penale të sulmit seksual. Ai është parë rreth orës 17:10 në rrugën "Jalldezë Krasniqi", ku njësitet policore kanë ndërhyrë menjëherë për të bërë lokalizimin dhe prangosjen e tij.
Pas arrestimit dhe përfundimit të procedurave të nevojshme në stacionin policor në Han të Elezit, i dënuari është dërguar për vuajtje të dënimit në institucionin përkatës korrektues.
Burim: Gazeta Express
— Redaksia ZHURMA
