Si u gjetën katër pakistanezë pa dokumente në Partesh?
Policia e Kosovës ka shoqëruar katër shtetas të huaj dhe një shofer kosovar pasi i ndaloi në Partesh nën dyshimin për kontrabandim me migrantë.
PARTESH — Policia e Kosovës ka njoftuar se ka zbuluar një rast për kontrabandim me migrantë në komunën e Parteshit. Sipas autoriteteve, ngjarja ka ndodhur gjatë orëve të para të ditës së premte, rreth orës 01:20 pas mesnate, kur një njësi policore ka ndaluar një automjet në këtë zonë.
Gjatë kontrollit të këtij automjeti, i cili po drejtohej nga një i dyshuar mashkull kosovar, zyrtarët policorë kanë hasur katër persona me shtetësi pakistaneze. Shtetasit e huaj nuk posedonin dokumente identifikimi.
Të njëjtit janë shoqëruar në stacionin policor. Me vendim të prokurorit të çështjes, i dyshuari kosovar është liruar në procedurë të rregullt.
Burim: Ekonomia Online
— Redaksia ZHURMA