Si u festua Dita e Çlirimit të Kosovës në Bernë?
Mbrëmja festive në Bernë bëri bashkë diplomatë dhe diasporën shqiptare, me interpretime nga Filharmonia e Kosovës dhe sopranoja Zana Abazi Ramadani.
BERNË — Nën organizimin e Ambasadës së Republikës së Kosovës në Zvicër, më 12 qershor u shënua Dita e Çlirimit me koncertin festiv "Kultura Muzikore e Kosovës – Tradita dhe Zhvillimi". Ky aktivitet i rëndësishëm mblodhi në Bernë ambasadorë, diplomatë të akredituar, përfaqësues institucionesh zvicerane, si dhe shumë bashkatdhetarë.
Në skenë u ngjit ansambli Neo Dardanus, i cili prezantoi një program të pasur artistik të realizuar nga një grup artistësh të Filharmonisë së Kosovës dhe Ansamblit "Shota". Interpretuesit u udhëhoqën nga mjeshtri Valton Beqiri, me pjesëmarrjen e veçantë të sopranos Zana Abazi Ramadani.
E pranishme ishte edhe Mimoza Kusari-Lila, ndërsa koncerti u zhvillua nën përkujdesjen e ambasadorit Mentor Latifi dhe me kontributin e Werner Schmitt. Përmes muzikës, ambasada shprehu mirënjohjen për rrugëtimin e lirë të Kosovës dhe rëndësinë e trashëgimisë kulturore për brezat e rinj.
Burim: Albinfo.ch
— Redaksia ZHURMA
Bisedoni
Komentet janë të hapura për anëtarët e Zhurma. Llogaria është falas — krijo një ose hyr në llogarinë tënde për me e thanë mendimin.