Si synon Albulena Haxhiu t'i lehtësojë procedurat për të mbijetuarit e dhunës seksuale?
Në Ditën Ndërkombëtare për Eliminimin e Dhunës Seksuale gjatë luftës, u diskutua rishikimi i afateve të aplikimit dhe lirimi nga taksat gjyqësore.
PRISHTINË — Albulena Haxhiu, bashkë me zëvendëskryeministren Gërvalla, u takuan me Vasfije Krasniqi Goodman, Ramadan Nishorin dhe përfaqësueset e organizatave Medica Kosova, Medica Gjakova, KRCT dhe Qendrës për Promovimin e të Drejtave të Grave në Drenas.
Gjatë takimit në Ditën Ndërkombëtare për Eliminimin e Dhunës Seksuale gjatë luftës, Haxhiu i falënderoi këto organizata për kujdesin, dokumentimin, mbështetjen ligjore e psikologjike dhe përkushtimin e tyre të pandërprerë për drejtësinë dhe dinjitetin e të mbijetuarave.
Sipas njoftimit, u diskutua për hapat institucionalë drejt njohjes dhe drejtësisë, përfshirë rishikimin e afateve për aplikim, lirimin nga taksat gjyqësore, sigurimin e hapësirave më të qasshme për Komisionin e Verifikimit dhe garancitë e një procesi ku të mbijetuarit trajtohen me dinjitet.
Burim: Telegrafi
— Redaksia ZHURMA
Bisedoni
Komentet janë të hapura për anëtarët e Zhurma. Llogaria është falas — krijo një ose hyr në llogarinë tënde për me e thanë mendimin.