Si planifikon Barcelona ta zëvendësojë Robert Lewandowskin?
Katalanasit kanë shënjestruar yllin e Atlético Madrid, Julián Álvarez, për të cilin janë të gatshëm të ofrojnë mbi 100 milionë euro.
BARCELONË — Barcelona e ka identifikuar sulmuesin e Atlético Madrid, Julián Álvarez, si objektivin kryesor për të zëvendësuar Robert Lewandowskin në repartin ofensiv. Drejtuesit katalanas besojnë se reprezentuesi argjentinas do të përshtatej në mënyrë perfekte me filozofinë e trajnerit Hansi Flick, duke pasur ndikim të ngjashëm me golat e Lewandowskit në vitet e tij më të mira në “Camp Nou”.
Sipas raportimit të Marca, Barcelona aktualisht është e gatshme të ofrojë pak më shumë se 100 milionë euro për të siguruar reprezentuesin argjentinas. Klubi katalanas beson se Álvarez është kandidati ideal për të udhëhequr repartin e avancuar falë aftësisë së tij për të shënuar, krijuar raste dhe luajtur në disa pozicione të ndryshme.
Megjithatë, realizimi i këtij transferimi pritet të jetë mjaft i vështirë për katalanasit. Atlético Madrid nuk ka ndërmend të lehtësojë largimin e një prej lojtarëve më të rëndësishëm të skuadrës së saj.
Mbetet të shihet nëse katalanasit do ta rrisin ofertën e tyre financiare në muajt e ardhshëm. Për momentin, Atlético Madrid nuk duket e gatshme të heqë dorë nga kampioni i botës me Argjentinën.
Burim: Insajderi
— Redaksia ZHURMA