Si e nis Zvicra e Xhakës dhe Jasharit Botërorin 2026?
Zvicra përballet të shtunën me Katarin në ndeshjen e parë të Grupit B të Botërorit 2026.
SANTA CLARA — Ekspedita e Zvicrës në Botërorin 2026 nis të shtunën mbrëma në orën 21:00, kur "helvetikët" e Granit Xhakës dhe Ardon Jasharit përballen me Katarin në Kaliforni, në ndeshjen e parë të Grupit B. Në këtë grup presin edhe Kanadaja e Bosnjë-Hercegovina.
Zvicra synon ta nisë me fitore për të bërë një hap të madh drejt kualifikimit. Grupi i saj vlerësohet si më i lehtë i Botërorit dhe ajo konsiderohet favoritja kryesore për ta fituar.
Për këtë status ka ndikuar forma e fundit e Zvicrës: në Euro 2024 u eliminua vetëm në penallti nga Anglia në çerekfinale, ndërsa në kualifikimet për këtë Botëror e mbylli grupin e para, para Kosovës. Shumë lojtarë kanë përvojë të madhe dhe luajnë bashkë për një kohë të gjatë, gjë që i bën të rrezikshëm.
Megjithatë, përgatitjet për Botëror nuk kanë qenë të qeta. Kapiteni Granit Xhaka i bëri thirrje skuadrës të "zgjohet" pas barazimit 1:1 me Australinë në miqësore, një thirrje që u mor seriozisht. Mesfushori Denis Zakaria ka kërkuar qasjen më të mirë të mundshme ndaj Katarit, për të cilin kjo është paraqitja e dytë në skenën globale.
Përveç yjeve të sprovuar, grupit i janë shtuar edhe talentët e rinj Johan Manzambi, Aurele Amenda dhe Luca Jaquez. Ndeshja e parë është vendimtare për shpresat e Zvicrës në grup, e cila kërkon të konfirmojë favoritin dhe të marrë një fillim të mbarë duke i dhënë një sinjal të fortë konkurrentëve.
Burim: Koha.net
— Redaksia ZHURMA