Si e lidh Edi Rama protestën e diasporës me ndërtimin në Durrës?
Kryeministri pretendoi se një protestuese që bën thirrje për mobilizim të diasporës është ndërtuesja e një shtese pa leje në Kalanë e Durrësit.
TIRANË — Kryeministri Edi Rama ka publikuar dy fotografi në rrjetet sociale më 20 qershor për të denoncuar atë që ai e quan "algoritëm të manipulimit" me thirrjet e diasporës për protestë. Në foton e parë paraqitet një shtesë ndërtimi pa leje brenda mureve të kalasë së Durrësit, ndërsa në foton e dytë shfaqet ndërtuesja e saj, e cila ka bërë thirrje për mobilizim të shqiptarëve jashtë vendit.
Sipas kryeministrit, shteti synon shpronësimin e këtij objekti në kuadër të projektit për Rilindjen e Zonës Historike të Durrësit. Megjithatë, pronarja e kësaj shtese pa leje ka deklaruar personalisht para tij se do të hidhet me kokë nga tarraca nëse nuk pranohet fondi i shpronësimit të atij objekti që Rama e quan "çiban".
Rama pretendoi se ky rast dëshmon se si një shkelëse e ligjit dhe qëndrestare kundër pastrimit të trashëgimisë kulturore vishet me flamurin e interesit publik dhe kthehet në heroinë. Ai shtoi gjithashtu se ky personazh grotesk është militante e Partisë Demokratike, duke theksuar se objekti ka një hipotekë nga "koha e dy gishtave".
Ky reagim vjen në një kohë kur opozita mbështet autokolonën e diasporës në Tiranë, ndërsa Sali Berisha thërret demokratët në protestën qytetare. Akuzat e kryeministrit synojnë të zhvlerësojnë kauzën e protestës duke nxjerrë në pah interesat e ngushta private.
Burim: ATSH
— Redaksia ZHURMA
