Si do t’i kthejë Zugu tepricat buxhetore qytetarëve dhe bizneseve?
Pse propozohet ulja tatimore në kantonin më të pasur të Zvicrës?
ZUG — Kantoni zviceran i Zugut shqyrton një skemë të re për t’i kthyer qytetarëve dhe bizneseve një pjesë të suficitit rekord buxhetor në formë uljeje tatimore. Propozimi, i miratuar në leximin e parë në Këshillin e Madh, do të ishte i pari i këtij lloji në Zvicër.
Zugu ka rezervat më të mëdha buxhetore në vend, me afro 3 miliardë franga zvicerane. Sipas projektligjit, ulja tatimore do të aplikohet vetëm kur suficiti tejkalon 50 milionë franga, ndërsa 50 milionët e parë do të mbahen si rezervë sigurie. Norma maksimale e uljes do të jetë 8% e normës tatimore ekzistuese.
Autoritetet theksojnë se taksat në Zug janë tashmë ndër më të ulëtat në Zvicër, ndërsa kantoni ka zbatuar më parë edhe masa të tjera lehtësuese, si mbulimi i 99% të kostove të hospitalizimit për banorët. Megjithatë, Të Gjelbrit kundërshtojnë projektin, duke paralajmëruar për referendum dhe duke propozuar që tepricat të përdoren për politika sociale.
Ideja e shpërndarjes së suficiteve po diskutohen edhe në kantone të tjera zvicerane, pasi shumica kanë raportuar rezultate më të mira se sa pritej. Nëse miratohet, kjo do të jetë hera e parë që një kanton zviceran aplikon një skemë të tillë.
Burim: Albinfo.ch
— Redaksia ZHURMA