Shtëpi e pabanuar digjet në Zveçan, dyshohet zjarrvënie
Objekti në rrugën Koste Vujinoviq kapet nga flakët rreth orës 00:10; dëmtohen një dhomë dhe kulmi, pronaria dyshohet e familjes Berisha.
Redaksia ZHURMA · · Përditësuar · 1 min lexim
ZVEÇAN — Një shtëpi e pabanuar është përfshirë nga zjarri në orët e para të mëngjesit të 3 gushtit, në rrugën "Koste Vujinoviq". Rasti u njoftua Polisë rreth orës 00:10 nga një banor i lagjes, ndërsa zjarrfikësit arritën ta lokalizojnë dhe ta shuajnë flakët para se të përhapeshin.
Sipas burimeve të Sinjali, shtëpia dyshohet se është në pronësi të një familjeje shqiptare me mbiemrin Berisha. Si pasojë e zjarrit, është dëmtuar një dhomë në katin e parë dhe një pjesë e kulmit, ndërsa vlera e dëmit material ende nuk është përcaktuar.
Në vendndodhje kanë dalë edhe njësitë policore dhe hetuesit, të cilët pas ekzaminimit të lokacionit dhe mbledhjes së provave, me konsultimin e Prokurorit të Shtetit, kanë iniciuar rasti si veprë penale "Zjarrvënie". Hetimet janë në vazhdim për zbardhjen e shkakut dhe identifikimin e personave të përfshirë.
Burim: Sinjali
— Redaksia ZHURMA
